На Менскім трактарным заводзе адбыўся пажар
- 30.09.2024, 21:51
Гарэў дах кавальскага цэха.
30 верасня пасля 17-й гадзіны на Менскім трактарным заводзе ліквідавалі пажар. Гарэў дах кавальскага цэха прадпрыемства.
Як паведамляюць ратавальнікі, там адбылося загаранне драўлянай канструкцыі на плошчы блізу 15 квадратных метраў. Яна гарэла адкрытым полымем.
Адзначаецца, што агонь у цэх не трапіў і здарэнне на ягоную працу не паўплывала. Ніхто з людзей не пацярпеў.