Марк Рубіё: Трамп хоча, каб ва Украіны было больш рычагоў у перамовах з РФ

• 30.09.2024, 19:20

Сенатар ад Рэспубліканскай партыі пракаментаваў сустрэчу Трампа і Зяленскага.

Кандыдат у прэзідэнты ЗША Дональд Трамп імкнецца ўмацаваць пазіцыі Украіны ў магчымых мірных перамовах з Расеяй.

Пра гэта заявіў сенатар ад Рэспубліканскай партыі Марка Рубіё, паведамляе NBC News.

«Я не на баку Расеі, але, на жаль, рэальнасць такая, што шлях для Украіны да заканчэння гэтага (вайны - рэд.) - гэта ўрэгуляванне праз перамовы. Я хачу, мы хочам, і я хачу верыць, што Дональд Трамп хоча, каб ва Украіны было больш рычагоў у гэтых перамовах», - сказаў Рубіё.

З яго слоў, адміністрацыя дзейнага прэзідэнта ЗША Джо Байдэна таксама мяркуе, што расейска-ўкраінская вайна, нарэшце, павінна скончыцца перамовамі.

«Мы спадзяемся, што калі прыйдзе час, украінскі бок будзе мець большы ўплыў, чым расейскі», - дадаў амерыканскі сенатар.