У Літве расказалі, што трэба рабіць з кантрабандай, якая прылятае з Беларусі

• 30.09.2024, 11:01

Такія цэлі могуць быць збітыя ў паветры.

У ноч на 29 верасня на тэрыторыі аэрапорта ў Вільні ўпаў невялікі паветраны шар з кантрабанднымі беларускімі цыгарэтамі. Міністр абароны Літвы Лаўрынас Кашчунас дапусціў, што такія цэлі могуць быць збітыя ў паветры, піша Delfi.

Міністр абароны Літвы падкрэсліў, што прылёт шара ў аэрапорт ніяк не звязаны з сістэмай СПА краіны, таму праваахова павінна вызначаць, як змагацца з такім спосабам кантрабанды. Ён не выключае, што такія балоны можна збіваць у паветры.

"Ідзе барацьба - кантрабандысты прыдумляюць свае метады, дзяржава думае, як з імі змагацца", - сказаў Кашчунас.

“Калі дроны выкарыстоўваюцца для кантрабанды, сродкі супраць дронаў, калі выкарыстоўваюць шары, іх можна збіваць. Гэта пастаянны працэс, але гэта барацьба з кантрабандай. Гэта не звязана з сістэмай СПА, гэта пастаянны працэс, які доўжыцца дзесяцігоддзямі, толькі з'яўляюцца новыя метады. Гэтыя метады трэба выяўляць і нейтралізоўваць. Гэта істотны момант. Наколькі гэта ад нас залежыць, мы дапаможам памежнікам, але факт, што патрэбны эфектыўныя меры, ацэньваць прапарцыйнасць, каб можна было збіваць у паветры. Барацьба з кантрабандай - справа памежнікаў», - сказаў Кашчунас.