Forbes: У Курскай вобласці расейцы патрапілі ў свае ж пасткі

• 30.09.2024, 8:29

Іронія лёсу.

Напярэдадні 15-я брыгада УС РФ «Пятнашка» спрабавала контратакаваць пазіцыі УСУ на адным з выступаў у Курскай вобласці. Кантратака была ў раёне Пляхава.

Аднак яна не проста была няўдалай, а няўдалая ў самай іранічнай форме, інфармуе рэсурс Forbes.

Амаль уся калона варожай бранятэхнікі затрымалася ў супрацьтанкавых пастках. Гаворка ідзе аб сістэме траншэй і бетонных загарод, якія збудавалі ў МА РФ супраць УСУ, асцерагаючыся ўварвання з боку Украіны.

У раёне Пляхава, яшчэ да прарыву УСУ на Куршчыну, акупанты збудавалі лінію абароны, якая складаецца з траншэй і акопаў. 15-й брыгадзе атрымалася з цяжкасцю пераадолець свае ж абарончыя лініі, калі з паветра супраціўніка атакавалі беспілотнікі 129-й брыгады ТРА.

“Нашы жаўнеры падалі ўрок расейскім акупантам і іх тэхніцы, спалілі дзясяткі адзінак бранятэхнікі і знішчылі асабовы склад супраціўніка», - напісаў украінскі ваенны карэспандэнт Юры Бутусаў.

Крыніца піша, што ў раёне Пляхава знаходзілася ўсяго некалькі ўзводаў УС РФ і адна рота. У выніку - усяго блізу 100 акупантаў, якія і павінны былі стрымаць прарыў УСУ.

Ваенныя экспэрты пішуць, што заслуга расейскіх інжынераў, якія пабудавалі абарону за межамі Пляхава, у тым, што гэтая абарона спрацавала так, як і было заяўлена, і замарудзіла наступ УСУ дастаткова доўга, каб мясцовыя абаронцы паспелі задзейнічаць сваю лепшую агнявую моц.

Аднак тое, што іх таварышы пабудавалі эфектыўныя супрацьтанкавыя пасткі, несумненна, слабое суцяшэнне для расейскіх войскаў, якія ў выніку патрапілі ў пастку.