Пасля ўдару дронаў гарыць вайсковы аэрадром «Балтымар» у Варонежы

• 29.09.2024, 11:07

Новыя падрабязнасці масаванага начнога нападу.

У ноч на 29 верасня Украіна масавана атакавала дронамі вайсковыя цэлі на тэрыторыі РФ. Пад удар трапілі, у тым ліку, аэрадромы ў Ейску (Краснадарскі край), а таксама «Балтымар» у Варонежы. У сеціве ўжо з'явіліся першыя відэа, знятыя відавочцамі, паведамляе «Диалог».

Вайскоўцы і мясцовыя ўлады замоўчваюць інфармацыю аб рэальных наступствах атакі.

Губернатар Краснадарскага краю Веньямін Кандрацьеў выступіў з заявай у Telegram, у якой схлусіў, што цэллю ўдару сталі нібыта «цывільныя аб'екты».

Пры гэтым літаральна ў наступным паведамленні ён паведаміў, што праз дзеянні расейскай РЭБ украінскі робат узарваўся побач з жылым домам.

Пра аэрадром у яго паведамленні ўвогуле не згадвалася. Аналагічная гісторыя з губернатарам Варонежскай вобласці Аляксандрам Гусевым.

Ён даў справаздачу аб пашкоджанні шматпавярховікаў у выніку працы расейскай жа СПА над горадам, але прамаўчаў аб «Балтымары».

Мінабароны Расеі тым часам бадзёра дало справаздачу аб тым, што вайскоўцы Расеі ўначы нібыта збілі 125 украінскіх ударных дронаў над чатырма расейскімі абласцямі.

Журналіст Аляксандр Няўзораў у Telegram паведаміў, што ў Ейску мог быць знішчаны запас расейскіх ракет «Кінжал». Аб гэтым ён напісаў, спасылаючыся на крыніцы ва ўкраінскіх спецслужбах. Аднак пацвярджэння на гэты момант няма.