У Самарскай вобласці РФ калапс пасля падрыву партызанамі чыгуначнага моста

• 29.09.2024, 8:33

Рух цягнікоў абмежаваны.

У Самарскай вобласці на чыгуначным мосце паблізу горада Кінэля адбыўся выбух, паведамляе ўрад рэгіёну ў сваім тэлеграм-канале. У выніку інцыдэнту на пераправе былі пашкоджаныя «астраўкі бяспекі», інфармацыі аб пацярпелых не паступала.

«Рух цягнікоў часова прыпынены. Чыгуначныя шляхі не пашкоджаны. На месцы працуюць супрацоўнікі бяспекі», - гаворыцца ў паведамленні ўладаў.

Куйбышаўская чыгунка ўдакладніла, што «ў сувязі з незаконным умяшаннем старонніх асоб у працу чыгуначнага транспарту» быў прыпынены рух грузавых цягнікоў на адрэзку 94-103 км.