«Трывога ўвесь час трымае Лукашэнку ў кляшчах»

• 28.09.2024, 16:59

Мы бачым тыповую праблему персаналісцкага рэжыму.

Палітолаг Аляксандр Класкоўскі ў артыкуле для «Позiрк» піша, чаму Лукашэнка баіцца пакідаць сваю пасаду:

- Калі ж без смеху, то мы бачым тыповую праблему персаналісцкага рэжыму. Канкурэнтныя механізмы ў палітыцы заблакаваныя тоўстым іржавым ломам, транзіт улады завязаны выключна на першую асобу. А гэта самая асоба не бачыць сябе ў адстаўцы, на ганаровай пенсіі.

Быццам бы і ўсе законы пад яе напісаны: недатыкальнасць, забеспячэнне ўсёй сям'і і іншае. Але ёсць як мінімум два моманты. Па-першае, улада для Лукашэнкі - наркотык, гэта сляпому відаць. Па-другое, яго ўвесь час трымае ў кляшчах трывога за сваю асабістую бяспеку і бяспеку радні.

І ў гэтым плане, мяркуючы па ўсім, няма асаблівай надзеі на прапісаныя ў законе гарантыі, няма стоадсоткавай упэўненасці ні ў адным з магчымых пераемнікаў.