Стала вядома, калі ў Беларусі пахаладае

• 28.09.2024, 18:01

Прагноз надвор'я на апошнія дні верасня.

Ужо ў нядзелю ў Беларусі чакаецца воблачнае з праясненнямі надвор'е. Пераважна ў паўднёва-ўсходняй палове пройдуць дажджы, ноччу і раніцай месцамі моцныя дажджы, магчымыя навальніцы.

Уначы ад +5°С на паўночным захадзе да +15°С на паўднёвым усходзе, максімальная тэмпература днём +10…+16°С.

У панядзелак тэрыторыя краіны будзе знаходзіцца пад уплывам халоднага антыцыклону з цэнтрам над Эстоніяй, толькі ў паўднёва-ўсходніх і паўднёвых раёнах адаб'ецца ўплыў малаактыўнага франтальнага падзелу.

Пераважна без ападкаў, толькі ноччу на паўднёвым усходзе, а днём у паўднёвых раёнах краіны месцамі кароткачасовыя дажджы. Уначы +1…+8°С, на паўднёвым усходзе да +10°С, у паўночных раёнах пры праясненнях замаразкі 0…-2°С; днём +11…+17°С.