У Пакістане разбіўся гелікаптэр з расейскімі пілотамі

• 28.09.2024, 15:46

Шасцёра загінулых.

У суботу, 28 верасня, у Пакістане адбылася аварыя чартарнага гелікаптэра, у выніку якой сама меней шэсць чалавек загінулі, паведамляе Reuters са спасылкай на крыніцы.

Суразмоўцы выдання паведамілі, што гелікаптэр быў зафрахтаваны прыватнай кампаніяй у паўночнай правінцыі Хайбер-Пахтунхва.

Ён разбіўся неўзабаве пасля ўзлёту ў неспакойным раёне краіны паблізу афганскай мяжы.

Адзначаецца, што на борце знаходзілася блізу 14 пасажыраў, у тым ліку расейскія пілоты. Восем чалавек атрымалі раненні ў выніку аварыі і былі шпіталізаваныя.