У «Хезбале» пацвердзілі смерць Хасана Насралы

• 28.09.2024, 15:29

У заяве не было згадана, хто стане пераемнікам.

У суботу, 28 верасня, ліванская групоўка Хезбала пацвердзіла смерць свайго верхавода Хасана Насралы ў выніку ізраільскага ўдару па Бейруце 27 верасня, паведамляе The Guardian.

«Яго высокасць, майстар супраціву, праведны слуга, сышоў да свайго Госпада, які задаволены ім як вялікім пакутнікам», – гаворыцца ў заяве групоўкі.

У «Хезбале» таксама дадалі, што «прадоўжаць свой джыхад у супрацьстаянні ворагу [Ізраілю], будуць падтрымліваць Газу і Палестыну, а таксама абараняць Ліван і ягоны народ».

У заяве не было згадана, хто стане пераемнікам Насралы ці як групоўка адкажа на забойства свайго шматгадовага верхавода.