ЗША вывучаюць план перамогі Украіны і рыхтуюць дадатковыя дзеянні

• 28.09.2024, 13:05

Дзяржсакратар Энтані Блінкен раскрыў падрабязнасці.

ЗША вывучаюць план перамогі Украіны, які прапанаваў Джо Байдэну Уладзімір Зяленскі. Таксама ЗША разглядаюць «дадатковыя дзеянні» пры неабходнасці.

Пра гэта паведаміў дзяржаўны сакратар ЗША Энтані Блінкен, якога цытуе «Голас Амерыкі».

Блінкен на прэс-канферэнцыі ў Нью-Ёрку 27 верасня заявіў, што ЗША павялічылі дапамогу Украіне, абвясціўшы пра пакет дапамогі коштам больш за 8 млрд даляраў.

«Мы зрабілі важныя крокі, каб падтрымаць народ Украіны, які прадаўжае абараняцца ад расейскай агрэсіі, якая прадаўжаецца, і прадаўжае адстойваць свой суверэнітэт і незалежнасць, сваё права вызначаць сваю ўласную будучыню», – сказаў ён.

Дзяржсакратар зазначыў, што ЗША вывучаюць план перамогі Украіны. На пытанне, ці атрымае Украіна дазвол выкарыстоўваць заходнюю зброю для ўдараў углыб Расеі, Блінкен адказаў, што адміністрацыя і партнёры цяпер вывучаюць падрабязнасці гэтага плану і, пры неабходнасці, разглядаюць «дадатковыя дзеянні», каб дапамагчы ўкраінцам дасягнуць перамогі.

«Мы вельмі старанна гэта вывучаем, у тым ліку тое, што мы ці іншыя партнёры Украіны павінны былі б распачаць, – калі трэба, – дадатковыя дзеянні, каб дапамагчы ім дасягнуць гэтага поспеху», – дадаў Блінкен.