Пуцін дайшоў да трасучкі
- ТЭЛЕГРАМ-КАНАЛ «СЕРПОМПО»
- 28.09.2024, 11:27
Чарговая «псіхічная атака» не надта ўразіла свет.
Мяркуючы з усяго, чарговая «псіхічная атака» з ядзернай шабляй нагала, у якую з крыкам адчайнай радасці ўстаў з акопу геній крамлёўскай геапалітыкі, не надта ўразіла свет.
Урэшце на Захадзе, на Усходзе, у Расеі ўсе ці многія даўно ведаюць Пуціна, разумеюць, хто гэта такі, гадамі назіраючы ягоныя выкрутасы. «Пра што там зноў крычыць гэты вар'ят?»
Момант, дарэчы, Пуцін абраў не найлепшы – грамадскасць абмяркоўвае нядаўні выбух шахты з «аналагаўне» – ракетай «Сармат».
Дзяржсакратар Злучаных Штатаў Энтані Блінкен назваў заявы Пуціна «безадказнымі» і «несвоечасовымі». Чакана. Верагодна, такое меркаванне ўсіх цвярозых назіральнікаў.
Як хутка Пуцін і ягоная кіроўная група, што называецца «разваліліся», дайшлі да трасучкі ядзернай зброяй. Якая існуе для таго, каб ніколі не ўжывацца. Яна павінна гарантаваць бяспеку краіны, але Пуцін і ягоная група так усё зладзілі, пачынаючы з 2014 года і заканчваючы наступствамі 24 лютага, што ўзнікла парадаксальная сітуацыя – «спецаперацыя» вярнулася на родную зямлю, адкуль яна стартавала. Наглядна паказаўшы ўсяму свету слабасць Расеі.
Уласна самі ядзерныя пагрозы лішні раз пацвярджаюць маргінальнасць групы, якая ўехала чвэрць стагоддзя таму ў Крэмль, родам з «бандыцкага Пецярбурга» 90-х.
Тэлеграм-канал «СерпомПо»