Пад Часівым Ярам УСУ акружылі і эпічна разграмілі групу войскаў РФ

• 28.09.2024, 8:16

Апублікаванае апошняе аўдыяпаведамленне акупантаў.

УСУ разграмілі групу расейскіх акупантаў у баях пад Часівым Ярам, ва УС РФ страты.

Пра гэта 27 верасня расказаў вайсковец РФ Ягор Гузенка, які вядзе Z-блог «Трынаццаты», паведамляе «Дыялог».

Ён паведаміў, што страціў у тым баі сябра і апублікаваў ягонае апошняе аўдыяпаведамленне.

«У Часівым Яры цяпер знаходзімся. Там (бойня – рэд.) ідзе. Дэсантнікі адкаціліся, мы засталіся. Не ведаю, што рабіць. Сілы нашыя слабыя, адступаць таксама нельга. Не ведаю, што рабіць», – казаў акупант.

Трынаццаты ўдакладніў, што «адкаціліся», а фактычна ўцяклі з поля бою вайскоўцы з 98-й паветрана-дэсантнай дывізіі УС РФ.

Праз гэта група акупантаў засталася ў акружэнні. Яе неўзабаве разграмілі УСУ.

«Загінуў мой сябар, а я яшчэ не веру... Вось толькі размаўлялі напярэдадні… Затое ў целіку ўсё (добра – рэд.)», – напісаў засмучаны Гузенка.