Зяленскі: Украіна да лістапада можа спыніць Пуціна
- 27.09.2024, 20:49
Украінскія абаронцы паспрабуюць зрабіць гэта на полі бою.
Украіна можа спыніць расейскага дыктатара Уладзіміра Пуціна ўжо да лістапада. Украінскія абаронцы паспрабуюць зрабіць гэта на полі бою.
Пра гэта паведамляе РБК-Украіна са спасылкай на заяву прэзідэнта Украіны Уладзіміра Зяленскага на сустрэчы з кандыдатам у прэзідэнты ЗША Дональдам Трампам.
«Мы разумеем, што да лістапада мы можам спыніць Пуціна. Мы павінны гэта зрабіць, мы паспрабуем – на полі бою з нашымі гераічнымі ваярамі, але мы разумеем, што пасля лістапада нам давядзецца вызначаць», – адзначыў украінскі прэзідэнт у пачатку сустрэчы.
Паводле ягоных словаў, Украіна спадзяецца, што сіла ЗША застанецца магутнай.
Таксама Зяленскі ўжо паводле вынікаў перамоваў з Трампам адзначыў, што прапанаваў яму план перамогі.
Варта заўважыць, што ў лістападзе ў ЗША адбудуцца прэзідэнцкія выбары. Галоўнымі кандыдатамі на пасаду прэзідэнта з'яўляюцца Дональд Трамп і Камала Гарыс.