Belavia прадае пасажырскі самалёт-«тулягу»
- 27.09.2024, 18:38
Названы стартавы кошт.
Belavia выставіла на таргі свой апошні пасажырскі Bombardier. Стартавая цана таргоў - Br2,92 млн. Інфармацыя аб лоце размешчаная на электроннай гандлёвай пляцоўцы "ІПМ-Таргі".
Самалёту 25 гадоў, у апошнія 5 - ён знаходзіўся на захоўванні.
Прыём заявак ад патэнцыйных пакупнікоў вядзецца да 24 кастрычніка.
Правядзенне таргоў запланавана на 25 кастрычніка.
Каб узяць удзел у таргах, неабходна ўнесці задатак сумай Br146 тысяч.
Пераможца, акрамя сумы пакупкі лота, абавязаны выплаціць Br500, а таксама 0,5% цаны ў якасці ўзнагароджання арганізатару таргоў.
У самалёта даволі цікавая гісторыя. "Качэўнік" паспеў палётаць пад сцягамі кампаній з Францыі, Нямеччыны, Канады, ЗША, перш чым у лютым 2008-га трапіў у распараджэнне Belavia. Беларуская кампанія эксплуатавала борт да 2018 года.