Кіберкорпус ГУР правёў паспяховую атаку на Расею

• 27.09.2024, 12:01

Больш за 800 сэрвераў пашкоджаныя

Больш за 800 сервераў у розных рэгіёнах краіны-агрэсаркі Расеі атакавалі ГУР МА з 23 да 26 верасня. Як адзначылі OBOZ.UA крыніцы ў вайсковай выведцы, пацярпелі серверы вайсковых, адміністрацыйных і фінансавых устаноў, якія падтрымліваюць агрэсію Расеі супраць Украіны.

У выніку паспяховай аперацыі былі цалкам знішчаныя дакументы і звесткі, якія захоўваліся на гэтых сэрверах.

Крыніцы адзначылі, што новая аперацыя ГУР зноў прадэманстравала расейскаму насельніцтву слабы ўзровень тэхнічнага забеспячэння ў іх краіне.

«Страта звестак і дакументацыі прывяла да частковага ці поўнага прыпынення працы спажыўцоў і пастаўшчыкоў паслуг у розных галінах, а таксама абумовіць неабходнасць выдаткавання дадатковых рэсурсаў на пошук і аднаўленне звестак і ў чарговы раз прадэманструе мясцоваму насельніцтву нізкі ўзровень тэхнічнага забеспячэння ў РФ», - паведамляе крыніца.

Важным з'яўляецца момант, што ўсе звесткі на атакаваных сэрверах былі выдаленыя без магчымасці іх аднаўлення.