Святлана Ціханоўская ўзнагародзіла сваім медалём Хілары Клінтан

• 26.09.2024, 16:58

Фотафакт.

Святлана Ціханоўская падчас паездкі ў ЗША правяла шэраг сустрэч, якія праходзілі ў рамках сесіі Генеральнай Асамблеі ААН.

Падчас штогадовай сустрэчы Clinton Global Initiative разам з Хілары Клінтан і Юліяй Навальнай яна паразмаўляла пра важнасць выкарыстання ўсіх дэмакратычных інструментаў для падтрымкі тых, хто змагаецца з дыктатурай, паведамляе «Еўрарадыё».

Пасля мерапрыемства Ціханоўская ўзнагародзіла Хілары Клінтан Крыжом добрасуседства «за салідарнасць і падтрымку дэмакратычнай Беларусі». Медаль быў заснаваны так званым «аб'яднаным пераходным кабінетам Беларусі».