Беларускія дэсантнікі і АМАПаўцы паляцелі ў Казахстан

• 26.09.2024, 16:41

Падрабязнасці.

Беларускія дэсантнікі і супрацоўнікі АМАП накіраваліся ў Казахстан для ўдзелу ў вучэннях з калектыўнымі "міратворчымі сіламі" АДКБ пад назвай "Непарушнае брацтва-2024".

Паводле інфармацыі прэс-службы Міністэрства абароны Беларусі, у вучэнні бяруць удзел вайскоўцы міратворчай роты 103-й Віцебскай асобнай гвардзейскай паветрана-дэсантнай брыгады. Камандаванне беларускім кантынгентам ускладзенае на палкоўніка Аляксея Ялфімава, намесніка камандзіра сіламі спецыяльных аперацый.

Манеўры пройдуць на палігоне "Бераг" у Алмацінскай вобласці і стануць заканчальным этапам вучэнняў АДКБ, прысвечаных падрыхтоўцы і ажыццяўленню "міратворчай аперацыі" сіламі арганізацыі.