У Баранавічах жанчына выгадавала гарбузы на яблыні

• 25.09.2024, 20:56

Фотафакт.

У Баранавічах жанчына выгадавала гарбузы на яблыні. Падрабязнасці паведамляе тэлеграм-канал выдання «Наш край».

Паведамляецца, што жыхарка Баранавічаў Тамара Свірбут сабрала вялікі ўраджай яблыкаў у сваім садзе. Аднак плады на адным з яблыневых дрэваў вельмі розніліся. Уся рэч у тым, што на ім былі гарбузы.

Жанчына патлумачыла, што непадалёк ад яблыні пасадзіла некалькі гарбузоў. Атрымалася, што яны заплялі дрэва і вісяць на ім.

Жыхарка Баранавічаў дадае, што з гарбузу і яблыкаў атрымліваецца вельмі смачнае сочыва бурштынавага колеру.