У ЗША запрацавала першая ў свеце вертыкальная ферма

• 25.09.2024, 18:44

Ёй трэба на 97% менш месца.

У Рычмандзе, штат Вірджынія, была адкрытая першая ў свеце вертыкальная ферма для вырошчвання ягад у прамысловых маштабах. Пра гэта гаворыцца ў артыкуле ў часопісе Frontiers in Science.

Гэтая ферма займаецца вырошчваннем трускалак на плошчы 0,4 га, выкарыстоўваючы 30-метровыя вертыкальныя вежы. Вытворчасць плануецца на ўзроўні больш як 1,8 млн кг ягад на год.

Ферма Plenty працуе над забеспячэннем стабільных ураджаяў, незалежна ад сезону або варункаў надвор'я. Дзякуючы кантролю за святлом, тэмпературай і вільготнасцю ў 12 спецыяльных пакоях, трускалкі будуць вырошчваць цэлы год. Кампанія таксама ўдасканаліла працэс апылення, каб павысіць эфектыўнасць і знізіць адкіды.

Прадукцыя гэтай фермы, вырашчаная ў партнёрстве з глабальным вытворцам Driscoll's, з'явіцца на паліцах крамаў у пачатку 2025 года. Важна, што для гэтага метаду неабходна на 97% менш зямлі і на 90% менш вады, чым для традыцыйнай сельскай гаспадаркі.