Гаіцяне падалі ў суд на Трампа і Вэнса

• 25.09.2024, 16:32

Праз хлусню аб «паяданні сабак і катоў».

Гаіцяне са Спрынгфілда (штат Агаё) падалі ў суд на кандыдата ў прэзідэнты Дональда Трампа і кандыдата ў віцэ-прэзідэнты Джэймса Ды Венса — пасля абвінавачанняў ад іх у тым, што гаіцянскія імігранты ядуць катоў і сабак, паведамляе 25 верасня NBC News.

«За апошнія два тыдні і Трамп і Вэнс узначалілі намаганні па ачарненню і пагрозах гаіцянскай супольнасці ў Спрынгфілдзе. Разам яны распаўсюдзілі і ўзмацнілі ўжо зняпраўджанае сцвярджэнне аб тым, што гаіцянскія імігранты ў Спрынгфілдзе ядуць катоў, сабак і дзікіх жывёл», - заявіў кіраўнік Haitian Bridge Alliance (грамадскай арганізацыі гаіцян Спрынгфілда - рэд.) Герлін Ёзэф.

Адвакат Субодх Чандра, які прадстаўляе інтарэсы Haitian Bridge Alliance, указаў на бяздзейнасць пракурора і намагае на неадкладным выстаўленні абвінавачанняў супраць Трампа і Вэнса.

Haitian Bridge Alliance падала пазоў у муніцыпальны суд акругі Кларк. Гаіцяне патрабуюць выдачы ордэраў на арышт кандыдатаў-рэспубліканцаў.

«Яны павінны несці адказнасць перад законам гэтак жа, як і кожны з нас», – падсумаваў Чандра.