МЗС раіць беларусам з'язджаць з Лібана

• 25.09.2024, 14:37

Асабліва тым, хто знаходзіцца на поўдні краіны.

Амбасада Беларусі ў Сірыі раіць беларусам устрымацца ад паездак у Лібан, а тым, хто знаходзіцца ў краіне - пакінуць яе.

«Беларусам, якія жывуць ці знаходзяцца ў Лібане, рэкамендуем пакінуць краіну камерцыйнымі рэйсамі. У выпадку немагчымасці выкарыстоўваць авіязлучэнне, рэкамендуем пераехаць на больш бяспечныя тэрыторыі, найперш грамадзянам, якія знаходзяцца ў паўднёвых рэгіёнах Лібанскай Рэспублікі», - гаворыцца ў паведамленні пасольства.

Дыпламаты заклікаюць прытрымлівацца рэкамендацый мясцовых улад, выконваць правілы асабістай бяспекі, а таксама заставацца ў кантакце з беларускімі дыпламатамі ў Сірыі.