У беларуса канфіскавалі больш за шэсць мільёнаў рублёў

• 25.09.2024, 12:45

Ён быў аформлены як ІП.

Суд канфіскаваў 6,6 млн рублёў (больш за 2 млн даляраў) у ІП, які займаўся незаконнымі ўгодамі з крыптавалютай.

Са звестак следства, беларус з ліпеня 2022 года да снежня 2023 года нелегальна займаўся аперацыямі, аналагічнымі дзейнасці аператараў абмену крыптавалют і аператараў крыптаплатформ, і пры гэтым не быў рэзідэнтам ПВТ, паведамляе Вярхоўны суд.

Для гэтага ён арандаваў офіснае памяшканне ў адным з гандлёвых цэнтраў Берасця, а таксама прыцягваў наёмных работнікаў без укладаняя з імі працоўных ці грамадзянска-прававых дамоў. За паўтара года жыхар Берасцейскай вобласці здзейсніў 785 незаконных угод з крыптавалютамі.

У судзе мужчына распавёў, што асноўны тып ягонай прадпрымальніцкай дзейнасці - гэта грамадскае харчаванне.

У выніку ІП аштрафавалі на 6 тысяч рублёў з канфіскацыяй 100% даходу, што склала 6 646 000 рублёў. У яго таксама плануюць канфіскаваць сродкі адміністрацыйнага правапарушэння і спагнаць амаль 12 тысяч рублёў.