Беларус: У мяса-малочнай прамысловасці адбыўся калапс

• 25.09.2024, 11:21

Днямі гэта прызнавалі высокапастаўленыя лукашысты.

Чытач сайта Charter97.org піша аб праблемах у беларускай сельскай гаспадарцы:

- Намеснік управы ДСК Валерый Скрыпкін рапартуе, што маюцца гаспадаркі, незапоўненыя дойным пагалоўем больш за 10 гадоў.

У краіне зараз 9 тысяч свабодных жывёламесц. Але гэта не перашкаджае рэжыму будаваць 60 новых мяса-малочных комплексаў. Схемы крадзяжу самі не з'явяцца.

Намеснік прэм'ера Юрый Шулейка заявіў, што сучасныя мясакамбінаты, напрыклад - у Воршы і Глыбокім, загружаныя на 30-50%, не самаакупныя і не могуць выплачваць крэдыты. Элементарна не стае пагалоўя на забой і перапрацоўку. Да таго ж заходнія рынкі адсеклі санкцыі, Расея купляе за мінімальны кошт, і пастаянна ўводзіцць забароны на прадукцыю праз якасць.

Калі дадаць нізкія заробкі ў мяса-малочнай галіне і катастрафічную нястачу кадраў, то атрымліваецца поўная «крепкохозяйственная красотища».