Украінцы збілі найноўшы расейскі робат Supercam S350

• 25.09.2024, 10:52

Ён разглядаецца як адзін з самых перадавых у арсенале Расеі.

Байцы 11-й брыгады імя Міхаіла Грушэўскага Нацыянальнай гвардыі Украіны паспяхова знішчылі найноўшы расейскі беспілотнік Supercam S350. Гэты дрон лічыцца адным з перадавых у арсенале Расеі.

Яго кошт вагаецца ад 15 да 20 тысяч даляраў ЗША ў залежнасці ад камплектацыі. Адпаведнае відэа паказаў кіраўнік НДУ Аляксандр Піўненка.

Supercam S350 здзіўляе сваімі характарыстыкамі: ён здольны лётаць на адлегласць да 240 км, паднімацца на вышыню да 5000 м і абсталяваны высакаякаснай камерай з начным бачаннем. Такі беспілотнік можа выконваць розныя задачы, што робіць яго прыярытэтнай мэтай для ўкраінскіх абаронцаў.

«Беспілотныя сістэмы Сіл абароны Украіны давялі сваю эфектыўнасць у баях на зямлі, у небе і моры. НДУ развівае гэты кірунак, што павысіць нашы вынікі на полі бою», - адзначыў Піўненка.

Варта адзначыць, што расейскія аператары выведвальных дронаў пачалі ўсталёўваць на свае БПЛА камеры задняга віду. Так акупанты спрабуюць абараніцца ад нападаў украінскіх FPV-дронаў.