Пад Менскам прадаецца стылёвы дом ля лесу добрым коштам

• 25.09.2024, 9:55

З вялікай тэрасай і гасцявым домам.

У СТ у Лагойскім раёне прадаецца добры дом з пляцам на 15 сотак. Ён знаходзіцца на ўзвышшы каля самага лесу. З панарамных вокнаў адкрываецца маляўнічы від. Вакол камяніцы зробленая тэраса, а на тэрыторыі ёсць зоны для адпачынку і спорту. Акрамя гэтага, на ўчастку ёсць абсталяваны гасцявы дамок, піша Realt.

Дом з бярвення прадаецца ў СТ "Вяча 91", што ў Лагойскім раёне. Яго пабудавалі ў 2017 годзе. На даху ляжыць металахоўка. Агульная плошча дома - 111,5 м ².

Дом поўнасцю гатовы да пражывання. Тут зроблены добры светлы рамонт, усё абстаўлена мэбляй і тэхнікай.

Тут добраўпарадкавана кухня-гасцёўня са сталовай зонай і выхадам на тэрасу. Дарэчы, яна абгінае ўвесь дом. Седзячы на канапе, можна назіраць за маляўнічым відам.

Жыллё пасуе для вялікай сям'і. Тут ёсць тры спальні.

Таксама ёсць два санвузлы. Адзін з іх ідзе з парнай. Вада паступае з двух свідравін, каналізацыя - мясцовая. Уведзенае электрычнае ацяпленне. У доме зроблены цёплыя падлогі, устаноўлены радыятары ацяплення. У гасцёўні таксама працуе камін.

Гэта не адзіны будынак, які пабудаваны на пляцы. Для гасцей тут нават ёсць асобны дамок з абедзеннай тэрасай і хатнім кінатэатрам.

Пляц займае амаль 15 сотак. Тэрыторыя дагледжаная, зробленая гульнявая зона, стаянка для аўто, ёсць нават свая сажалка ў межах лесу.

Дом ад Менска блізу 20 км. За лесам знаходзіцца аўтобусны прыпынак.

Кошт дома - 199 тысяч даляраў.