У Бейруце ліквідаваны галоўны ракетчык «Хезбалы»

• 24.09.2024, 18:28

Інфармацыю пацвердзілі крыніцы Reuters у службах бяспекі тэрарыстычнай групоўкі.

Сёння, 24 верасня, у сярэдзіне дня ізраільскія ВПС нанеслі кропкавы ўдар па Бейруце. Пра гэта паведаміла прэс-служба ЦАХАЛу. Крыніцы Reuters у «Хезбале» пацвердзілі, што Ізраілю ўдалося ліквідаваць Ібрагіма Мехмеда Кабісі, кіраўніка ракетных войск групоўкі.

Удар па трапіў у будынак у раёне Джабайры ў Дахіі, паўднёвым прыгарадзе Бейрута і апоры «Хезбалы». Тры паверхі дома абрынуліся. У сацыяльных сетках з'явіліся фатаграфіі разбурэнняў і целы аднаго з загінулых.

Лібанскія СМІ пацвердзілі ахвяры пры ўдары ВПС ЦАХАЛа, але адмаўляюць, што атака дасягнула цэлі. Тым не менш дзве крыніцы Reuters у службах бяспекі «Хезбалы» пацвердзілі ліквідацыю. З аналагічнай заявай са спасылкай на ўласныя крыніцы выступілі савудаўскія СМІ.