У Беларусь заляцеў «Шахед», калі ў небе быў гелікаптэр Лукашэнкі

• 24.09.2024, 14:08

Але авіяцыю на перахоп беспілотніка пастанавілі не паднімаць.

У Беларусь чарговым разам заляцеў расейскі «Шахед». Тым часам у небе знаходзіўся гелікаптэр Лукашэнкі.

Дрон перасёк мяжу а 09:25 раніцы ў раёне населенага пункта Любеч, заляцеўшы з Чарнігаўскай вобласці Украіны. Пазней беспілотнік накіраваўся ў бок Брагіна. Далейшы лёс лятальнага апарата застаецца невядомым. У момант яго з'яўлення ў паветры не зафіксавана вылетаў авіяцыі ВПС Беларусі над паўднёваўсходнімі рэгіёнамі краіны, паведамляюць маніторынгавыя групы.

У гэты ж час у небе над Беларуссю знаходзіўся гелікаптэр з Лукашэнкам на борце, які вылецеў з рэзідэнцыі «Азёрны» і накіроўваўся на 230-ы агульнавайсковы палігон Абуз-Лясноўскі, прызямліўшыся там а 10:00. Калі выказаць здагадку, што дрон працягнуў рух на паўночны захад, ён мог бы дасягнуць палігона Абуз-Лясноўскі да 11:00.

Са звестак «Гаюна», гэта ўжо як мінімум 45-ы дрон, які ўвайшоў у паветраную прастору Беларусі з 11 ліпеня 2024 года, і 24-й толькі ў верасні.