«Калі Пуцін памрэ заўтра, у Расеі пачнецца барацьба кланаў»
- 24.09.2024, 11:42
Экспэрт назваў сілу, якая з 70 адсоткаў верагоднасці прыйдзе да ўлады.
Калі Пуцін памрэ заўтра, у Расеі будзе той самы канфлікт кіроўных элітаў. Але з верагоднасцю на 70% у выніку гэтага канфлікту ўладу захопіць не самы агрэсіўны, але адзін з кланаў, які некаторыя іншыя кланы знішчыць, а з некаторымі дамовіцца.
Пра гэта ў інтэрв'ю РБК-Украіна распавёў Іван Праабражэнскі, расейскі палітычны аналітык у апазіцыі.
З ягоных слоў, расейскі рэжым, які стаў, фактычна, таталітарным, вернецца ў аўтарытарызм. Новы рэжым будзе спрабаваць аднаўляць стасункі з Захадам, не адмовіцца ні ад якіх заваёў, якія ўдалося зрабіць за Пуціным, але паспрабуе іх абнуліць, заявіць што гэта было за Пуціным, давайце пачынаць перамовы.
«Зразумела, што яны не збіраюцца плаціць ніякія кантрыбуцыі, яны паказальна можа быць здадуць аднаго алігарха куды-небудзь у суд на захад, як гэта Сербія ў свой час рабіла пасля Мілошавіча. То бок, гэта будзе сцэнар, падобны да сербскага, але нават Зорана Джынджыча не будзе, якога амаль адразу забілі. То бок, дэмакраты нават на кароткі час не прыйдуць. Проста будзе такое аўтарытарнае палатно, вельмі падобнае да многіх цэнтральна-азіяцкіх краін», - кажа Праабражэнскі.
Гэта звязана з тым, што для поўнай змены вектара развіцця Расеі неабходна ўзрушэнне большае, чым смерць Пуціна. Адно з такіх узрушэнняў - ваенная параза. Калі ж гэтага не здарыцца, пасля смерці расейскага дыктатара кланы пачнуць сваю барацьбу.
«Ёсць даволі вялікі клан, так ці інакш, вакол маскоўскага мэра Сяргея Сабяніна. Яго прынята на Захадзе маляваць гэтакім лібералам, але напраўду гэта Кагалымскі крымінальны клан. Гэта проста піцерскія бандыты супраць кагалымскіх. Ёсць як мінімум два вялікія кланы з найбліжэйшага атачэння Пуціна. Гэта ўмоўныя Кавальчукі, з якімі разам супрацоўнічае першы намеснік кіраўніка адміністрацыі прэзідэнта Кірыенка - ён і куратар акупаваных тэрыторый, і Расатама, вельмі ўплывовы», - распавёў Праабражэнскі.
Другі клан - гэта расейскі ВПК, гэта Сяргей Чэмезаў, першы віцэ-прэм'ер Дзяніс Мантураў. І тамака даволі шмат людзей вакол іх. Хутчэй за ўсё да іх далучыцца ў гэтай сітуацыі новы пуцінскі памочнік Аляксей Дзюмін, былы губернатар, які пры гэтым былы вайсковец спецыяльнага прызначэння. Ён, хутчэй за ўсё, асабіста кіраваў аперацыяй вывазу Януковіча з Украіны, паведаміў палітычны аналітык.
Ёсць умоўны сілавы клан, напрыклад Рамзан Кадыраў. Да яго прымыкае сёння цалкам лаяльны Пуціну кіраўнік Расгвардыі Віктар Золатаў, былы кіраўнік пуцінскай аховы, у якога з Кадыравым вельмі добрыя стасункі. «Але яны, калі нейкую эканамічную базу не падвядуць і не дамовяцца з нейкімі буйнымі эканамічнымі кланамі, не змогуць захапіць уладу», – кажа Праабражэнскі.
«Вайна, хутчэй за ўсё, скончыцца ці моцна затармозіцца. Гэта звязана з тым, што для Пуціна гэтая вайна ідэйная і мае свой, зразумелы толькі яму, сэнс. Новыя лідары заходзяць наладжваць стасункі з Захадам, бо разумеюць - ваенная эканоміка не зможа існаваць вечна. А для гэтага, відавочна, трэба будзе заканчваць ваенныя дзеянні. Але захопленыя тэрыторыі, хутчэй за ўсё, ніхто аддаваць не будзе», - прагназуе Праабражэнскі.