УСУ здзейснілі другі ўдалы прарыў з пачатку Курскай вайсковай аперацыі

• 24.09.2024, 7:37

Украінскія вайскоўцы пайшлі наперад у Глушкаўскім раёне.

Украінскія сілы маюць прасоўванне ў Глушкаўскім раёне на Куршчыне. Кадры з геалакацыяй ад 23 верасня паказалі прасоўванне УСУ на паўднёвай ускраіне Вясёлага. Пры гэтым расейскія ваенныя карэспандэнты пішуць аб баях у раёне Мядзвежага і Новага Шляху.

Аналітыкі з Інстытута вывучэння вайны (ISW) агучылі сітуацыю на гэтым адцінку фронту за мінулыя дні.

Напярэдадні ў Сеціве адная з дэсантных брыгад УСУ выклала новыя кадры прарыву мяжы з РФ. Пры гэтым у роліку не сказана, калі гэта адбылося і пра які адцінак мяжы ідзе размова.

Вядома толькі, што гэта другі ўдалы прарыў з часоў правядзення Курскай вайсковай аперацыі. OSINT-аналітыкі сцвярджаюць, што на кадрах можна ўбачыць прарыў УСУ ад 11-12 верасня ў Глушкаўскім раёне.

У ISW не могуць паведаміць, пра які менавіта прарыў ідзе гаворка на ўчорашніх кадрах ад УСУ. Z-каналы пішуць, што баі ідуць і на іншых адцінках Курскай вобласці, уключаючы раёны Дар'іна, Любімаўкі, Малой Локні, Пляхава і Нікалаева-Дар'іна. Расейскія СМІ пішуць аб прасоўванні УС РФ у раёне Пляхава, аднак у ISW не могуць гэтага пацвердзіць.

Вядома, што на Куршчыне баі супраць УСУ вядуць акупанты з 51-га дэсантнага палка, 810-га палка марской пяхоты, 30-га мотапалка і 155-й брыгады марской пяхоты.