УСУ выяўляюць 12 тысяч цэляў штотыдзень пры дапамозе ШІ

• 23.09.2024, 19:48

Украінскія вайскоўцы актыўна карыстаюцца платформай Avengers.

Украінскія вайскоўцы актыўна карыстаюцца платформай ШІ Avengers у вайне з расейцамі. Яна дапамагае выяўляць вялікую колькасць варожых цэляў.

Пра гэта паведамляе прэс-служба Міністэрства абароны Украіны.

Паводле інфармацыі ведамства, кожны тыдзень украінскія абаронцы пры дапамозе Avengers аўтаматычна выяўляюць 12 тысяч варожых цэляў.

У Мінабароны ўдакладняюць, што такая платформа дазваляе аператарам дронаў прымаць пастановы хутчэй і больш эфектыўна, а рызыка памылак праз стомленасць памяншаецца. Інтэграцыя працуе ў стрымінгавым модулі VEZHA баявой сістэмы DELTA.

«Платформа Avengers, распрацаваная Цэнтрам інавацый Мінабароны, унікальная ў свеце па аб'ёме відэазвестак з варожай тэхнікай. Мы працягваем развіваць Avengers і іншыя ШІ-развязанні, каб забяспечыць нашым вайскоўцам перавагу. У далейшым плануем пашырыць хмарныя магчымасці платформы, а таксама інтэграваць ШІ-развязанні на беспілотнікі», - распавяла намесніца кіраўніка Мінабароны Кацярына Чарнагоранка.

Цэнтр інавацый працягвае ўдасканальваць платформу Avengers, каб якасць распазнання варожай тэхнікі паляпшалася. Гэта, напрыклад, датычыцца схаванай у лясах варожай тэхнікі і не толькі.