Беларускі хакеіст згуляў у гістарычным матчы «Юты»

• 23.09.2024, 11:21

Беларус паўдзельнічаў у перамозе над «Сэнт-Луісам».

Хакеісты «Юты» (былая «Арызона») з беларускім абаронцам Уладзіславам Калячонкам падолелі «Сэнт-Луіс Блюз» у сваім першым перадсезонным матчы НХЛ, піша «Прессбол».

Гульня прайшла ў Дэ-Мойне, штат Аёва, і закончылася перамогай «Юты» з лікам 5:3. Падчас матчу экс-«Арызона» саступала 0:2.

Форвард Майкл Карконэ ўвайшоў у гісторыю як аўтар першай шайбы ў гісторыі «Юты». Карконэ аформіў дубль. Пераможную шайбу за 1:17 да канца трэцяга перыяду закінуў Логан Кулі. Ён рэалізаваў штрафны кідок.

Калячонак не ўдзельнічаў у галявых атаках сваёй каманды. На яго рахунку адзін кідок у створ брамы пры нейтральным паказчыку карыснасці.

Наступны матч "Юта" правядзе бліжэйшай ноччу (4:00 паводле менскага часу). Яе спаборнікам пернікам будзе "Лос-Анджэлес".