Пушылін «здаў» Лукашэнку

• 23.09.2024, 9:54

Беларускі рэжым супрацоўнічае з тэрарыстамі.

Верхавод тэрарыстаў Дзяніс Пушылін у інтэрв'ю беларускай дзяржаўнай ТВ расказаў, што беларускі мультыбрэндавы цэнтр з'явіцца ў “ДНР”.

Паводле ягоных слоў, у дэлегацыі тэрарыстаў з "ДНР" была магчымасць наведаць Беларусь, прапрацаваць даволі шмат пытанняў. Пасля гэтага, удакладніў Пушылін, было падпісанае камюніке на палях Пецярбуржскага эканамічнага форуму, якое было звязана з пашырэннем узаемадзеяння паміж "ДНР" і Беларуссю.

- Былі нават падпісаныя пагадненні з шэрагам прадпрыемстваў, - заявіў кіраўнік ДНР.

Адзначым, украінскае МЗС прыстрашыла рэжым Лукашэнкі праз візіт Пушыліна ў Беларусь.