Валгаградскі «канібал-сарцаед» вярнуўся з вайны ва Украіне ў роднае сяло

• 22.09.2024, 16:39

Кіраўнік паселішча паспрабаваў супакоіць мясцовых жыхароў, заявіўшы, што ў канібала праблемы са сківіцай.

Жыхар Валгаградскай вобласці Дзмітрый Малышаў, асуджаны да 25 гадоў пазбаўлення волі за забойства і з'ехалы з калоніі на вайну ва Украіну, вярнуўся ў роднае сяло пад Валгаградам. Пра гэта паведамляе V1.ru са спасылкай на кіраўніка Рахінскага сельскага паселішча Фёдара Кадаўба.

«Так, ён вярнуўся праз раненне. Ён у пачатку года таксама вяртаўся праз раненне, але потым пайшоў назад. Я з ім асабіста размаўляў. У яго са сківіцай праблемы, у руцэ аскепак. Далечваецца быццам. Заўчора яго бачыў у краме, віталіся. Як ён мне сказаў, цяпер далечыцца і назад у зону СВА паедзе», – расказаў кіраўнік паселішча.

Пра тое, што Малышаў удзельнічае ў расейскім уварванні ва Украіну, стала вядома ў траўні. Ён падпісаў кантракт з Мінабароны РФ восенню 2023 года, знаходзячыся ў калоніі.

У гутарцы з V1.ru Малышаў расказваў, што паехаў на вайну для захавання «традыцыйных каштоўнасцяў» Расеі. Паводле ягоных словаў, ён не хоча, каб у пачатковых класах школы дзецям расказвалі, «як правільна надзяваць прэзерватыў», або каб па вуліцы хадзілі мужчыны і «аблізвалі адзін аднаго».

У траўні 2015 года суд у Валгаградскай вобласці асудзіў Малышава да 25 гадоў пазбаўлення волі, 15 з якіх ён павінен быў правесці ў калоніі строгага рэжыму. Паводле версіі следства, Малышаў забіў свайго знаёмага з Таджыкістана. У пастанове суда гаворыцца, што Малышаў чатыры разы ўдарыў знаёмага па галаве цвікадзёрам, потым нажом выразаў ягонае сэрца і засмажыў яго на патэльні. Тое, што адбывалася, ён здымаў на відэа. Акрамя таго, у снежні 2013 года Малышаў разам з двума сябрамі забіў двух бізнэсмэнаў.