«Занадта позна»: Трамп ухіліўся ад новых дэбатаў з Гарыс

• 22.09.2024, 10:57

Рэспубліканец растлумачыў сваю пастанову.

Былы лідэр ЗША і зноў кандыдат у прэзідэнты Дональд Трамп заявіў, што больш не хоча дэбатаў з апаненткай Каммалай Гарыс. З ягоных слоў, для гэтага «ўжо занадта позна».

Зрэшты, таму, што амерыканцы пачалі галасаваць на выбарах 2024 года. Пра гэта паведамляе тэлеканал CNN, які накіраваў запрашэнне на паўторныя дэбаты абодвум палітыкам.

«Праблема з чарговымі дэбатамі палягае ў тым, што ўжо занадта позна, галасаванне ўжо пачалося», - сказаў Трамп на мітынгу ва Уілмінгтане (штат Паўночная Караліна).

Ён дадаў, маўляў, віцэ-прэзідэнт Каммала Гарыс хоча правесці яшчэ адну публічную дыскусію проста перад выбарамі, «бо яна моцна саступае».

Паводле ж інфармацыі тэлеканала, нацыянальнае апытанне працягвае паказваць адсутнасць відавочнага лідара ў гонцы паміж Трампам і Гарыс.

Прадстаўніца Дэмакратычнай партыі напярэдадні паведаміла, што прыняла запрашэнне CNN паўдзельнічаць у дэбатах у кастрычніку. Кампанія ж рэспубліканца паўтарыла папярэднія яго каментарыі аб тым, што ён не будзе ўдзельнічаць у другіх дэбатах.