«Пуціну трэба было паслухаць украінцаў»

• 21.09.2024, 15:29

Эксперт назваў тры вялікія памылкі кіраўніка Крамля.

Украіна паспяхова рэалізоўвае свае пагрозы на адрас РФ, агучаныя падчас вялікай вайны. Нягледзячы на гэта, Масква да гэтага часу недаацэньвае ворага.

Пра гэта ў сваім блогу ў Telegram піша расейскі вайсковы эксперт Ян Мацвееў:

«Украінцы папрасілі даць ім вазіць збожжа па Чорным моры – Пуцін адмовіў, прыгразіў Чарнаморскім флотам. Цяпер Чарнаморскі флот хаваецца, а грузавыя караблі заходзяць у Адэсу.

Украінцы папрасілі вярнуць ім палонных «азоўцаў» – Пуцін адмовіў, «азоўцаў» судзілі, катавалі ў турмах. УСУ атакавалі Курскую вобласць – цяпер на «азоўцаў» мяняюць жаўнераў тэрміновай службы.

Украінцы папрасілі дазволіць удары дальнабойнай зброяй – заходнія краіны дазволу не далі. Украінцы зрабілі свае дроны-ракеты і разносяць склады. Ёсць адчуванне, што калі ў 2014-м украінцы прасілі ад іх (адстаць – рэд.), трэба было паслухаць».