Камала Гарыс упершыню адрэагавала на падтрымку Тэйлар Свіфт

• 21.09.2024, 13:05

Кандыдатка ў прэзідэнты ЗША пажартавала пра «розныя каманды».

Віцэ-прэзідэнтка ЗША Камала Гарыс упершыню адрэагавала на публічную падтрымку самай папулярнай спявачкі свету Тэйлар Свіфт у сёлетніх выбарах. Дзяржаўная дзяячка падзякавала артыстцы і адзначыла, што захапляецца яе смеласцю ўпэўнена адстойваць свае перакананні.

Як паведамляе выданне InStyle, палітык ганарыцца тым, што зорка стала на бок яе кандыдатуры ў прэзідэнты. Грамадзянская пазіцыя выканаўцы выклікала нянавісць у апанента Камалы Гарыс – Дональда Трампа.

«Я вельмі ганаруся падтрымкай, якую атрымала ад Тэйлар Свіфт. Яна неверагодная артыстка. Я сапраўды паважаю смеласць, якую яна атрымала за сваю кар'еру, каб адстойваць тое, што ўважае за правільнае», – падзялілася віцэ-прэзідэнтка.

Камала Гарыс жартам прыгадала: летась яна знаходзілася «ў розных камандах» са спявачкай. Рэч у тым, што палітычная дзеячка і выканаўца заўзятаркі розных клубаў амерыканскага футболу.

«Але хто ж абураецца на кагосьці за вернасць сваёй камандзе, праўда?» – адзначыла палітык.