Ашуканцы навучылі жыхара Салігорска абыходзіць абмежаванні банкаў

• 20.09.2024, 15:07

Пасля чаго выманілі грошы.

20-гадовы слесар-рамонтнік з Салігорска знайшоў аб'яву ў сацсетцы і захацеў паспрабаваць сябе ў якасці інвестара. Хлопец інвеставаў больш за 18 000 рублёў нібыта ў акцыі. У рэальнасці ж ён проста перавёў свае назапашванні ў абмен на фальшывыя абяцанні даходу і выявы графікаў, якія дасылалі яму ашуканцы ў мэсэнджэры.

"Характэрна, што кіберзлачынцы нават падвучвалі хлопца абыходзіць абмежаванні банкаў, устаноўленыя для прадухілення ўчынення ашуканскіх дзеянняў", - распавялі ва УУС.

Следчыя распачалі паводле гэтага факту крымінальную справу.