Сілавікі зладзілі аблаву ў Століне

• 19.09.2024, 16:26

Затрыманыя сама меней пяць чалавек.

Тэлеграм-канал, звязаны з ГУБАЗіК, апублікаваў відэа затрымання як мінімум пяці чалавек у Століне.

Падрабязнасці аб абвінавачаннях і месцазнаходжанні затрыманых не раскрываюцца.

Таксама сёння стала вядома аб затрыманнях у Глыбокім, дзе былі затрыманыя не менш як 5 чалавек. Іх усіх абвінавачваюць ва ўдзеле ў “паслявыбарчых акцыях пратэсту” 2020 года.