З Беларусі ў Расею не прапусцілі буйную партыю сыру

• 19.09.2024, 11:31

Вярнулі на беларускую тэрыторыю.

На беларуска-расейскай мяжы ў Пскоўскай вобласці забаранілі незаконны ўвоз 330 кг сыру, паведамляе Рассельгаснагляд.

Сыр маасдам перавозілі з парушэннем ветэрынарна-санітарных правіл транспартавання ў аўто без халадзільнага абсталявання.

Акрамя таго, у час ветэрынарнага кантролю ўстаноўлена, што на партыю прадукцыі, якая перавозіцца, няма ветэрынарных суправаджальных дакументаў, якія пацвярджаюць паходжанне і бяспеку тавару.

У ведамстве ўдакладнілі, што груз вярнулі на беларускую тэрыторыю.