Дэвід Бэкхэм пажартаваў з вядоўцаў футбольнага шоу

• 18.09.2024, 21:03

Відэахіт.

Дэвід Бэкхэм да паўсмерці спалохаў вядоўцаў галоўнага футбольнага шоу Брытаніі. Здарылася гэта напярэдадні.

Былы абаронца «Ліверпуля» Джэймі Карагер, які цяпер працуе экспертам на брытанскай тэлевізіі, разам з калегамі, сярод якіх быў экс-форвард «Арсенала» Цьеры Анры, абмяркоўвалі вынікі і новы фармат Лігі чэмпіёнаў.

Менавіта падчас эфіру былая зорка «Манчэстэр Юнайтэд», «Рэала», «Мілана» і «ПСЖ» Дэвід Бэкхэм надумаў пажартаваць з сваіх калег. Ангелец выйшаў у студыю праз відэасувязь, але зрабіў выгляд, што знік гук.

Але высветлілася, што гэта была хлусня. У той час калі эксперты засмуціліся праз няздольнасць паслухаць Дэвіда, той нечакана з'явіўся ў студыі, што вельмі напалохала прысутных.

«Дэвід Бэкхэм – вялікі акцёр», напісаў Джэймі Карагер у сацсетцы, прымацаваўшы відэа эпізоду.