УСУ разбілі бранятанкавы штурм войска РФ у Луганскай вобласці

• 18.09.2024, 17:21

З’явілася відэа бою.

Ваяры 3-й асобнай штурмавой брыгады УСУ адбілі расейскі штурм на Луганскім кірунку. Пра гэта паведаміла прэс-служба брыгады і апублікавала відэа бою.

Да штурмавых дзеянняў на гэтым участку фронту расейцы прыцягнулі танк і колавы бронетранспарцёр (БТР), які перавозіў пяхоту.

УСУ распавялі, што варожую калону бранятэхнікі, якая рухалася ў бок іх пазіцый, своечасова знайшлі пілоты БПЛА Трэцяй штурмавой.

Пасля выяўлення перамяшчэння супраціўніка падраздзяленні брыгады адразу прыняліся за яе разгром. Для знішчэння расейскіх акупантаў украінскія абаронцы выкарысталі ўдарныя FPV-дроны.