Да +28°С чакаецца 17 верасня ў Беларусі

• 16.09.2024, 18:17

Абвешчаны чырвоны ўзровень небяспекі.

Чырвоны ўзровень і да 28 градусаў чакаецца 17 верасня ў Беларусі. Пра гэта паведамілі ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

17-19 верасня (аўторак - чацвер) на большай частцы тэрыторыі Гомельскай і Магілёўскай абласцей захаваецца надзвычайная пажарная небяспека (5 клас узгарання).

Агулам у аўторак у Беларусі будзе малавоблачна і без ападкаў. Вецер усходні 3—8 м/с. Тэмпература ўначы складзе ад 9 да 15 градусаў цяпла, на поўначы месцамі плюс 5-8, удзень - 23-28 градусаў са знакам плюс.