Удар дронаў: у Валгаградскай вобласці паходняй гарыць НПЗ «Лукойла»

• 9.07.2024, 11:38

Пажар дагэтуль не могуць патушыць.

Мінімум пяць дронаў УСУ атакавалі горад Калач-на-Доне ў Валгаградскай вобласці РФ. БПЛА падпалілі НПЗ «Лукойл-Валгаграднафтаперапрацоўка», паведамляюць расейскія СМІ.

Усяго на завод упала мінімум тры дроны. Са слоў мясцовых, БПЛА ляцелі адзін за адным. Пажар тушаць дагэтуль.

Пазней раніцай аэрапорты Валгаграда і Астрахані закрылі праз пагрозу паўторнага нападу ўкраінскіх беспілотнікаў на рэгіён.

Паветраныя гавані не прымаюць рэйсы на прылёт і вылет.