У Мурманскай вобласці РФ на заводзе ўспыхнуў моцны пажар

• 9.07.2024, 11:23

Гарэла прадпрыемства «Апатыт».

У Мурманскай вобласці РФ здарыўся моцны пажар на заводзе, паведамляе ASTRA.

У Кіраўску на вышыні 56 метраў загарэўся дах склада з апатыт-нефелінавым канцэнтратам АТ «Апатыт», паведамляе рэгіянальнае ўпраўленне МНС.

Паводле звестак ведамства, зараз пажар плошчай 1500 квадратных метраў ужо ўдалося патушыць. Паводле звестак ратавальнікаў, пацярпелых няма.

Апатыт-нефелінавы канцэнтрат у асноўным выкарыстоўваецца ў аграрнай прамысловасці.

Прычына пажару не называецца.