У Менску два аўтамабілі выкінула на раздзяляльную паласу
- 9.07.2024, 9:15
ДТЗ на Партызанскім праспекце.
Удзень 8 ліпеня на Партызанскім праспекце ў Менску сутыкнуліся два аўтамабілі, паведамілі ва УДАІ ГУУС Менгарвыканкама.
ДТЗ адбылося а 16.00. Паводле папярэдняй інфармацыі, 49-гадовы кіроўца аўтамабіля Dodge ехаў па Партызанскім праспекце ў бок вуліцы Маладзёжнай.
Праз невыкананне бяспечнай дыстанцыі ён сутыкнуўся з аўтамабілем Ореl. Гэтая машына спынілася на дарозе праз паломку.
Ад удару абодва аўто выкінула на раздзяляльную паласу. Яны пашкодзілі металічную агароджу.
Пацярпеў кіроўца Ореl, якога даставілі ў лякарню.