На Гомельшчыне з'явіўся свой «Робін Гуд»

• 8.07.2024, 14:34

Выкраў 14 тысяч рублёў і на іх частаваў дарослых і дзяцей.

40-гадовы жыхар Менска звярнуўся ў міліцыю з заявай аб знікненні 14 тысяч рублёў з яго дома. Паведамляецца, што гэтыя сродкі былі яму давераныя працадаўцам для захоўвання.

Як пазней высветлілася, злачынства ўчыніў 35-гадовы мужчына з Гомельскай вобласці, якога мянчук прытуліў на просьбу сябра. Госць, які прыехаў у Менск на заробкі, заўважыў, як гаспадар змяшчае значную суму ў канверт і скарыстаўся зручным выпадкам, каб украсці грошы і вярнуцца дадому.

На радзіме ён пастанавіў марнатраўна выдаткаваць выкрадзенае, уладкаваўшы паход па барах, частуючы мясцовых жыхароў алкаголем і купляючы дзецям марозіва. Аднак супрацоўнікі крымінальнага вышуку высачылі і затрымалі зламысніка, які раней ужо быў судзімы за маёмасныя злачынствы. Цяпер яму выстаўленае абвінавачанне ў новай крымінальнай справе.