20-гадовая маці траіх дзяцей расказала, ці будзе нараджаць яшчэ

• 8.07.2024, 14:26

Беларуска наважылася дапамагчы іншым.

Марыя Сінцова з гарадскога пасёлка Уваравічаў Буда-Кашалёўскага раёна вядзе блог у Instagram, дзе расказвае пра сваё мацярынства. А расказаць сапраўды ёсць што: першы раз яна зацяжарыла ў 15 гадоў, а зараз, у 20, мае ўжо траіх дзяцей.

Падпісчыцы часта пытаюцца ў блогеркі, ці плануе яна яшчэ нараджаць.

- Не. Сцяпан наш апошні малыш. Але ў мяне ёсць жаданне дапамагчы дзяўчатам, якім цяжка зацяжарыць. Пасля заканчэння груднога гадавання я пайду донарам яйкаклетак. Я не разглядаю варыянт сурагатнага мацярынства, бо нараджаць я больш не хачу. Усе сурагатныя маці малайцы, але я, напэўна, не змагла б проста аддаць дзіця.

Таму зараз я вывучаю інфармацыю, разглядаю клінікі, што і як дзе адбываецца. Адразу кажу, што гэта будзе разавая акцыя.