Украінскі афіцэр: Адмарожаны Лукашэнка разумее, што паляцяць ракеты

• 8.07.2024, 10:47

Давядзецца хавацца ў бункеры.

Ці можа Лукашэнка пайсці на ваенныя правакацыі супраць Украіны? Такое пытанне сайт Charter97.org задаў маёру запасу Нацгвардыі Украіны, ветэрану расейска-ўкраінскай вайны Аляксею Гецьману:

- Правакацыі цалкам магчымыя. Толькі гэта будуць правакацыі расейскіх войскаў пад шаўронамі і сцягамі Беларусі. Пуціну было б на руку, каб Беларусь была ўцягнутая ў вайну.

Але я б не раіў Лукашэнку ісці на правакацыі, бо мы будзем наносіць удары ў адказ. Мы гэта маем права рабіць для самаабароны.

Пагляджу, у якім бункеры ён будзе хавацца, калі мы будзем наносіць удары ракетамі хаўруснікаў. Шанцаў у яго няма. Нават такі адмарожаны, як Лукашэнка, гэта разумее. Яго заявы - на ўзроўні вулічнай шпаны. Нецікава і несалідна.