Беларусам на вока: Турцыя ўводзіць важную змену для турыстаў
- 8.07.2024, 16:51
Яна закране тых, хто прылятае ў краіну.
У разгар турыстычнага сезона ў Турцыі быў прыняты законапраект аб унясенні паправак у закон аб грамадзянскай авіяцыі, паведамляе агенцтва Anadolu.
Новыя захады бяспекі прадугледжваюць абавязковы надгляд усіх пасажыраў і іх рэчаў пры дапамозе тэхнічных прылад, а пры неабходнасці - уручную. Калі праверка з выкарыстаннем тэхнічных сродкаў будзе недастатковай, пасажыр не будзе дапушчаны ў аэрапорт і на самалёт, калі не пагодзіцца на ручны надгляд.
Авіяцыйная бяспека зараз будзе гарантавацца прыватнымі ахоўнікамі пад наглядам органаў правапарадку. Прыватныя ахоўнікі змогуць правяраць і надглядаць людзей, рэчы, багаж, грузы і тавары як пры дапамозе тэхнічных сродкаў, так і ўручную пры ўваходзе на авіяцыйныя аб'екты.
Акрамя таго, пры падазрэнні на парушэнне авіяцыйнай бяспекі багаж, груз і іншыя тавары могуць быць дагледжаныя супрацоўнікамі пазаведамаснай аховы без удзелу пасажыра ці ўладальніка. Прадметы, якія можна адкрыць і якія забаронена праносіць, могуць быць арыштаваныя.
Гэтыя захады накіраваныя на ўзмацненне бяспекі ў турэцкіх аэрапортах у адказ на існыя выклікі і пагрозы.